|
|
Een ander hijmmen die in sommige kercken op seker tijt ter compleet gesongen wort Cultor Dei memento
Godts dienaer weest gedachtich dat ghij sijt affgewasschen Opt vont doer doepsel crachtich vernieut doer saluing rasche
Maeckt dat wanneer den tijt is dat ghij v geest tot rusten op voorhoeft met borst geris slaet cruijs tegen quade lusten
Het cruijs veriaecht alle quaet die duijsterheijt van t'cruijs vlijt thert dat hem opt cruijs verlaet en scroemt niet des viandts strijt
Der moeten sijn vuijl dromen oeck ghij lijfijgen quelgeest ghij die v pleecht beromen van quaet, loept wech ras aldereest
O ghij gedraeijt serpent crom die door duijsent omwegen en strijcken pestilent stom quelt thert tot doecht genegen
Viandt bedrieger scenlick gaet wech want christus is hier het teecken v wel kenlick verdoempt al v gesoert fier Al ist dat
[17]
Al ist dat ons lichaem moet hem geeft wenich tot slapen ons siel gedenck christum soet ghij sult haer niet bedrapen
Glorij sij v ewich vaer Christe Coninck warachtich met geest een heijlich godt claer in ewicheijt almachtich, Amen | |
|
Enige hymnen en lofzangen (Utrechtse liedbundel van 1582)
|
1582
|
Utrecht UB: 1338 (5 M 23) |
p14 |
|
Johan Oosterman, naar bron, diplomatisch (niet gecontroleerd) |
|