|
|
|
Een Amoureus Liedeken op de voorgaende Voyse [sc. van de Engelsche Maskerade]
Als ick scheyen moet
En van u zijn absent
Fortuyn my schreyen doet
Gantsch tot u lieff ghewent
Elders te zyn / niet lief by dijn
Claech ick met zwaer torment
Laet liefden bloeyen
Altijt o reyne maecht
Wilt nyet uytroeyen
Schoon lief die naer u jaecht
Der minnenbrant / seer vast gheplant
Can soo niet zijn gheplaecht
Het eerbaer wesen
Te meer my blaecken doet
En sonder vreesen
Rapen een goeden moet
Voor ende naer / aen een beelt claer
Neem ick mijn rust seer soet
Princesse
Ghy zijt Princesse
In wiens liefde seer bloot
Beleefd Matresse
Legh ick in brant seer groot
Altijt ghetrou / nochtans karsou
Twelck my velt ende doot
FINIS | |
|
|
Lange, Willem Ryers de] (auteur),
Princesse Liet-boec: Dat is, Der Jonckvrouwen Clachtighe Sentbrieven (Heroidum Epistolae ghenaemt,) int Latijn beschreven: Door Ovidus Naso. Ende by een Lieff-hebber der Accoleye Sangs-wijse (elck met zijn stemme) in dichte ghemaeckt. Noch zijn hier by-ghevoecht verscheyden Amourese Liedekens. Midtsgaders een Nieu Amoreus Liet-boec (te voren niet gedruct geweest) van verscheyden Redenrijckers in dicht gestelt.
|
|
1605
|
| Den Haag KB: 5 E 1 |
| p125 [=133] |
|
| Willem Kuiper, naar bron, diplomatisch. |
|
