|
|
Opde voys Courante
Die van tiel die zyn vergaert mit hoopen / Sy seggen sy willen haer meulens gaen vercoopen en die van vaes die maken haer dwaes? myn dunct zy metter lymstang loopen
[2] Sy deden haer clachten binnen der stadt van leyen en claechden dat haer meulens nyet en wild wayen by faute van winden dat mennich mans kinden haer de wint ontrack aen allen syen
[3] Meulens die met vollen seylen drayen daer can de wint de vint [?] soe te degen in wayen maer tperyckel is groot sy cryghen een stoot dat se haer eygen cooren dicwils sayen
[4] Meulens die met halve seylen malen dat synse die een reesgen [?] dic in halen die syn van booven mit meel bestooven tgecgen inder mou sit sonder dralen
[5] Meulens die daer malen met losse schroeven dat synse die den stuerman wel behoeven och vrunden siet toe die maken u moe sulcke meulens mennich syn hert bedroeven
[6] Meulens die daer malen an beyde seyen van sulcken meulens moetmen sich wel myen die maken u mal met haren geschal Schout toch sulcke meulens tallen tyen
[7] Prince wilt u van allen meulens wachten die daer malen by dagen en by nachten en compter niet by maer gaet aen een sy want sulcke meulens staen met groot crachten
Al hopende wacht ic | |
|
Handschrift 's-Gravenhage, KB: 133 K 29
|
[16xx][[<1610?]
|
Den Haag KB: 133 K 29 |
p33 |
|
Voorlopige transcriptie, handschrift op onderdelen lastig leesbaar. MdB 2018 |
|
© 2024 KNAW/Meertens Instituut