|
|
Dit lyedeken gaet op die wijse: 'Had ic die slotel van den daech, ic werpen soe ver aen ghene rijn'.
1 O sceyden, du crencste my die moet, Du beroefste my die sinnen! Hoe wee dat my dat scheyden doet, Nochtans wil ict beghinnen. Hoe wee dat mi etcetera
2 Sterven, du crencste my die moet. Du beroefste my die [37v] sinnen. Hoe wee dat my dat sterven doet, Nochtans wil ict beghinnen. Hoe wee dat my dat sterven etcetera
3 Ghij sijt dat eenich een alleen, Dat ic heb uutvercoren, Daer ic die werelt om heb versmaet Ende al haer toebehoeren. Daer ic die werelt etcetera
4 Och, lieflijc lief, mijn uutvercoren, Hoe sel ict nu beghinnen. Wilt my te sterven maken wijs Ende helpet my volbrenghen! Wilt my te sterven etcetera
5 Hoe ict beghin, tis teghenspoet, Waerom ic niet verbliden en mach. Sel ic dus derven dat groote goet Dat men mit sterven vercrighen mach? Sel ic etcetera
6 Die strijt is groot ende menichvout: Het dunct my sijn onmoeghelijc Dat ic ten eynde comen soude, Ist dat ghi my in den strijde beswijct. Dat ic ten etcetera
7 Ic wils beghinnen mit vrien moet Ende gheven my ghevaen der minnen. Al sout my costen vleysche ende bloet Ende 't morch uut minen beenen. Al sout my costen etcetera
8 Siet hoe vrolic sijn si nu, Die hier voermaels hebben gheleden. Si leden liever al der werelt druck Dan si dat minste loon ontbeerden. Si leden liever etcetera
9 Als alle lijden coemt ten eyede Ende wi dan comen int hemelsche lant, Dan sellen wi verblijden mitten engelen Ende singhen den hemelschen nuyewen sanc.
(1) O sceyden | |
|
Handschrift Meerman
|
[1525 ca.]
|
Brussel KB: II 2631 |
f37r |
|
H. Joldersma, naar bron, kritisch. |
|