|
|
Dit is een gheestelijc lyedekijn.
1 Mijn suete lief woent inden hemel, Hoe seer verlant my nae Hem! Ic en mach Hem sien noch hoeren spreken, Die viant benijts my.
2 Dien boem die biden weghee staet, Hoe schoene vruchten dat hi laet; Hy brenct seer luttel in sijnre tijt Om dat maer veel by gaet ende ryt. Hi brenct seer etcetera.
3 Wat moeghen dan doen die maechden jonc Die staen ophoeren eersten spronck? Si sijn soetedder [xxxi/44r] van natueren Ende wandelbaer tot allen uren. Si sijn etcetera.
4 Dina, dochter des patryercx, Ghinc haer vermeyen op die merct. Al by haer ghesicht wort sij verleit Dat sy verloeshaer suverheit Al by etcetera.
5 Wat mach dan sijn onder die coen, Die meer huedt hebben te doen, Dan reynne maechden ombesmet Die daer staen als lelyen wijt? Dan reyne maechden etcetera
6 Dit sijn die costelijke vaten Die Salamoen niet sien en woude laten; Hy dedese sluyten in vasten mueren. Dese maechden beteikenen desee fyguren. Hi dese sluten etcetera.
7 Ghi maechden die besloten sijt: Al ist slotenghe, dat hert is wijt, Want mindt ghi anders dan God alleen, Soe verderft ghi die Godtelijke mijn! Want mindt ghi etcetera.
8 Liv Lief, wil hebben dat lof alleen! Naerre wech en weet ic ghen Dan met Heer Jhesus te treden int slot. Hoe meerre benautheit, hoe naerre God! Dan met etcetera. | |
|
Handschrift Meerman
|
[1525 ca.]
|
Brussel KB: II 2631 |
f43v |
|
H. Joldersma, naar bron, kritisch. |
|