|
|
|
[45v] Dit lyedekijn gaet op die wijse: 'Het was een scaephaerdekijn uutter sycuoen, Hy had sijn scapkijns ghebrocht int perck' etcetera.
1 Wi moeten van deser werelt scheyden,
Al en weeten wy niet hoe neert sijn sel.
Dus wilt u elck wel bereyden:
Edel, onedel, groot ende smal,
Wy moeten laten dit aertse dal.
Dus seg ic:'gaet voer, Ic volch u nae,
Want ic als ghi van mijne leven rede moete gheven,
Redee gheven van alle quaet'.
Want ic als ghi etcetera.
2 Ghij jonghee, wat wilt ghi u verblijden,
In deser werelt vals jolyt?
En wilt ghi teghen die sonden niet stryden,
Nu in deser corter tijt,
Soe selt ghi horen hiernae voer wit.
Dan selt ghi claghen ende segghen: 'eylaes!'
Dus siet, dat ghi op u huede staet,
Om reden te gheven, Reden te gheven van alle quaet.
Dus siet dat ghi etcetera.
3 Ghij dochter van amerosen sin,
Peynst dat ghijmoet corts van hier;
Op dat ghi laet al onreyn mijnne,
Ende niet en coemt int helsche vyer.
Eer u die doot terneder slaet,
Al sidi hertkijn jonck ende fyer,
Rede moet ghi gheven, Redee geven van allen quaet.
Al sidi hertkijn etcetera.
4 Wat mach ons grote rickheit baten,
Alsment al hier laten moet!
Ons eten, ons drincken uuter maten,
Het brenct ons inder hellen gloet.
Al dunct u nu,die die werelt soet,
Het sel hierna al anders sijn:
Want van al datmen hier misdoet
Moet geven rede, Rede geven van alle quaet.
5 [xxxiii/46r] Maria van eerfsonden reyn,
Bidt voer ons, het is groete noet!
Jhesus Cristusvan Naserena,
Hi sterf voer ons den bitter doot.
Och, die temtacye sijn soe groot!
Wilt ons vercryghen van God ghenade,
Op dat wy sonder enich wederstaen,
rede moeghe gheven Rede ghevenvan alle ons quaet.
Op dat wy etcetera.
(1) Wy moeten van etcetera. | |
|
|
Handschrift Meerman
|
|
[1525 ca.]
|
| Brussel KB: II 2631 |
| f45v |
|
| H. Joldersma, naar bron, kritisch. |
|
