|
|
|
Ob allen wnder mirket wol ein wnder grois.
wait dem gesellet unse szepper erden clois.
eine hait zu rechter sibpeszaf gebundin.
dat wnder uns in ymmer werinde vreude szielt.
inde dat he si in einer meide wamben vielt.
inde wart da bi got inde mesze wnden.
dat si in intfienc. inde si genas.
reine ungemelit. des doit van dode uns loiste.
inde bleif doch dat he e was.
der cristenheide zu helpe. in och zu troiste.
an eme wart der naturen craft
an wernder wirde ir hoet inde ir nuwet.
Sin gesippe mit geseszach.
des toufis e versegilt inde getruet.
hie van dem hoesten trone quam zuz uns in ellende.
wie he birgit in eyn broit
durch unse noit
lijhachtig. hie up godis dische. tussin eins pristers hende. | |
|
|
[handschrift zonder titel]
|
|
2e helft 14e eeuw
|
| Leipzig, UB, Cod. Rep. II fol. 70a (in facsimile) |
| f94v |
|
| naar ed. Schmeisky overgetypt door Johan Oosterman |
|
© 2024 KNAW/Meertens Instituut
