|
|
|
Ich sach eine vrauwe minnenclich.
mit rosen wol gecronit.
die hette umbe gurtet sich.
mit lilien wol geschonit.
was si mit blomen mangerlei.
an irme libe uber al.
van laube ein dach gaf ir der mei.
de vogil sungin umbe si so suoissen schal.
Der vrauwen ich uch bescheiden wil.
De da sas in der wnne.
de kuosche hait der dogende vil.
si gelienschet sam die sunne.
Ir gurtil wijs dat is der schaim.
die ander blomen wol gestalt.
ist manige tuogent. dan von ir name
gepriset wirt. inde uch ir ere manich valt.
Die voglin de da sungen ir.
in suoisser stimmen tone.
ist manige zunge geloubit mir.
die na ir richeme lone.
ringit inde ir werdicheit.
das ir ere werde lanc.
in sielden sal er sin gemeit.
deme van ir libe wirt ein steder umbe vanc. | |
|
|
[handschrift zonder titel]
|
|
2e helft 14e eeuw
|
| Leipzig, UB, Cod. Rep. II fol. 70a (in facsimile) |
| f96r |
|
| naar ed. Schmeisky overgetypt door Johan Oosterman |
|
© 2024 KNAW/Meertens Instituut
