Home     Grasduinen     Over     Zoektips     FAQs     Disclaimer     Meertens Instituut         english

Nederlandse Liederenbank


Der eren spegil ist die scham.
wer sich dar inne ersiet.
die wirt unzamen blicken gram.
die scham hait mit der kuosche phlicht.
Scham is argen worten gram. unkuschen viant. unsteden vluoch.
Scham ist ein tugint. die mannis name
gein vrauwen prises gicht.
Ir werde wip duot mannen sam
ur beider lip in schame geschicht.
Scham is besser dan golt. unde ziret bas dan siden duoch.
Scham is mit bescheidenheit der warer minnen bi.
Scham ist in eren gartin rechte ein blunder zwi.
Scham ist der eren schilt.
die schame rechte als ein liebis kint. lachende in vrauwen schose spilt.
Scham ziret werden wip. inde hohit nieder man.
Scham kan
leiden up den plain.
der nie lasters mail gewan.
wer schame minnit den betriet in lastere nimmer schanden hain.
Scham ist eine die hoeste duogint. das sagent uns meistere inde die buoch

[handschrift zonder titel]
2e helft 14e eeuw
Leipzig, UB, Cod. Rep. II fol. 70a (in facsimile)
f96r

naar ed. Schmeisky overgetypt door Johan Oosterman