|
|
Inden morgenstondt A solis ortus cardine Sedulius
Vande sons eersten opgaen tot endt des werels onuersaecht wij louen christum prins bequaem geboren van Maria maecht [43]
Salich scepper van werels breet om te verlossen t'vleijs met vleijschs heft aengedaen der slauen cleet bewarende sijn scepsels eijscht
In maechs leden suijuer reijn daelt die hemelsche gratij soet des maechs lichaem draecht toch certeijn een ombekent verburgen goet
Des maechdelicks hart, suijuer huijs voort onuersiens goeds tempel scoen Reijn bliuende van mans gedruijs door Engels woort ontfanck een soen
Sij heeft gebaert moeder een struijck dien Gabriel hadde voorseijt wiens eer, noch in sijn mooders buijck sint Jan geslooten heeft verbreijt
Leggen int hoij heeft sij gewilt oeck den cribbe heeft niet versmaet is met wenich mellick gestilt ende geuoet, diet al versaet
Die hemelsche choren sijn blij de engelen loouen den heer den herderkens bekent wort hij die is herder en scepper, meer, [44]
Glorij sij v heer ombeureest die van een maecht gebooren sijt met vader ende heijligen geest in ewicheijt tot allen tijt. Amen | |
|
Enige hymnen en lofzangen (Utrechtse liedbundel van 1582)
|
1582
|
Utrecht UB: 1338 (5 M 23) |
p42 |
|
Johan Oosterman, naar bron, diplomatisch (niet gecontroleerd) |
|