|
|
|
Een nieu Liedeken,
op de wijse: Sy plach my eens te vraghen.
Wat seytmen nu van Duckdalve:
Sijn Boter ghelt vier en halve,
Is dat niet veel te dier?
Door den Prins van Oraengien,
Moet hy na Spaengien,
Conste hy comen van hier?
Wat seytmen van die Spechten ?
Het zijn duckdalvens knechten,
Ruydich, rappich en zeer:
Tegen donnoosel en slechten
Willen sy sterck gaen vechten,
Schoorsteenveghers sonder leer.
Met haer Fluweelen Broecken
Gaen sy de Meyskens soecken,
Maer wat daer onder schuylt,
Dat zijn Pockighe doecken,
Om tGasthuys te vercloecken,
Want binnen zijn sy vervuylt.
In Spaengien en zijnt maer Fielen,
Daer loopen sy met Kackhielen,
Al zijnse hier groot gheacht:
Vol Luysen ist dat sy crielen,
Tzijn Moordenaers der Sielen,
Ghespuys omte vullen die Gracht.
Vijchcorven connen sy breyen,
Ranckskens connen sy leyen,,
Wijngaert snijden onder dEerd:
Dan lotert haer de Keye,
En sy gaen haer vermeyen,
Spaceren op een Peert.
Sy willen om ons Gheloove
Dees Landen heel berooven,
Als Duckdalve haer doet verstaen:
Maer Godt al van hier boven,
Diemen altijt moet loven,
Die salse noch verslaen.
Gy oude Grijs Duckdalve,
Hebdy nu niet meer Salve?
Of zijt ghy ghenoech ghesmeert?
Ghy zijt ten heelen noch ten halven,
U Koe wil niet meer Calven,
Twelck uwen Paus seer deert.
En ghy Duckdalven sone,
Die boosheyt zijn ghewoone,
Om dat ghy hebt vermoort
So menighen Persoone,
Daerom Godt uut den Throone
Op u is seer ghestoort.
O Prince van Orangien,
Edel Vorst uut Almaengien,
Maect ons dees Tyrannen quyt:
Sy doen ons groote calaengien,
Jaechtse weder na Spaengien,
So crijghen wy goeden tijt. |
|
|
Een nieu Guese Liede Boecxken/ Waerinne begrepen is den gantschen Handel der Nederlantscher gheschiedenissen/ dees voorleden acht Jaren tot die Peys toegedraghen/ eensdeels in Druck wtghegaen/ eensdeels nu nieu by gheuoecht. Midtsgaders sommige schoone Refereynen ten seluen Propooste dienenden hier achter by ghestelt. Nieu [!] nieulick vermeerdert ende ghecorrigeert [hsn. 'Viue le Gues'] Pro Lege, Rege. [pagina ontbreekt verder]
|
|
1576?]
|
| Göttingen NSUB: 8 H Holl II 2551 RARA |
| f72r |
|
| DBNL, naar Kuiper & Leendertz 1924. |
|
