|
|
Amoureux liedeken op die wyse / eylaes amor wat gaet my aen
Cupido heere / fell wie can v schichten / swichten niemant hoe seere / well doet die gesichten / stichten dichten / plichten wie dat can van alsulck bedryuen / schryuen blyuen hier by wyf en man out en Jonck in dit gespan
Liefde v grote macht can al myn sinnen / winnen want als ick v mercke lacht therte van minnen / binnen versinnen meucht ghy dat wilt mildt zyt v dienaere / caere waere claere too[n]t geen schilt want ick v voor die liefste hilt
D]en geest in Jeuchden / bloeyt door v nature pure therte vol deuchden / groyt eedel fygeure fleure seur noch steurren weest op my ick die v alleene / meene geene / reene meer dan dy en bemin ick waer dat zy
Eedel Princesse soet met reyn besneden / leden venus dyesse vroet t welck vwe seden deden heden / reden toch betoont loont therte getrouwe / vrouwe rouwe flouwe loont gecroont liefde met liefde verschoont | |
|
Album amicorum van Aefgen Claesdochter van Giblant
|
1598-1600
|
Den Haag KB: 135 K 36 |
f7r |
|
Willem Kuiper, naar bron, diplomatisch. |
|
© 2024 KNAW/Meertens Instituut