Nederlandse Liederenbank


Op de wys van [pasemeghe] gracy Wee my wie sal ick claghen myn druck en swaer verdriet dat my moet nu ten daghen om een die my ghebiet / siet sy staet in th[.]rt gheplant / want schoonder en weet ick niet Die lieft heeft my verwonnen al van myn dees lieff ydoon och hadt ickt noydt begonnen want voor mynen loon / schoon sal my het leuen pyn / syn alhier in tswerelts throon Ick heb den tyt gheweten maer het is ghepasseert dat ick wist haer secreten van haer ben ick gheleert / eert sy en blyft niet constant / want sy my die rugh toe keert Wat baet toch al myn clachten want sy my heel verlaet ick vrees gheen troost te wachten van dat maechdelyck saet / raet het soude wesen goet / spoet ghy v eer tvill te laet Ghy jonckmans meucht wel letten die by dochters verkeert den sin daer na te setten dat ghy door haer bedroch / noch off door arghelist / mist niet achter tnet en vist Orloff ghy jonghe gheesten volcht niet myn liefde blint in bancketten noch op feesten versint eer ghy begint / mint oock niet en betrout / bout maer daer ghy liefde vint

Album amicorum van Aefgen Claesdochter van Giblant
1598-1600
Den Haag KB: 135 K 36
f94v

Willem Kuiper, naar bron, diplomatisch.