|
|
|
Een Amoreusch Liedt
O Roosken root / o paerle Ient
myn Lieff mynioot / om v Lydt ick torment
o schoon goddinne Ick blijff geschent
want myn lijden is sonder ent
nacht ende dach / maeck ic gheclach / voorwaer
dat ick moet scheyden van v maecht eerbaer.
Moet ick dan scheyden / ist nu den tyt
sonder verbeyden / [- ...] ofte geen Respyt
mijn hart van drouffheyt int Lichaem splyt
myn oogen ick [aen] stucken cryt
o scheyden fel / die my gequel / doet Aen
ick en weet hoe dat ickt sal wederstaen
O wreeden dach / ongeluckigh vuyr
d[ie] ick oyt sach / en valt my soo suyr
het dunckt my weesen teghen natuyr
dat ick van v maechdeken puyr
moet seggen adieu op een nieu Van u
o bitter doot waer naer soo beydy nu
Prince
Princesse schoon dit wel versindt
20ghy spant de croon / ghy blyft bemindt
want ick en ben niet gelyck een wint
altyt staet ghy in myn herte geprint
ick sal getrou / o schoon carsouw / nu syn
24al is het scheyden nu soo bitter pyn
Finis
Geen meerder pyn in s'weerelts eruen
dan een te beminnen en die te deruen | |
|
|
Liedboek van Styntgen Jacops dochter
|
|
1562 / 1599
|
| Cambridge, University Library, Dd.6.49 |
| f38r |
|
| Willem Kuiper, naar bron, diplomatisch. |
|
