Home     Content     Browsing     Search Tips     FAQs     Progress     Disclaimer     Meertens Institute         dutch


Dutch Song Database


Een exelent Liedeken hoe sich de Vlissinghers eerst revolteerden,
ende Duckdalvens swagher ghehanghen wert.
Op de wijse: Ghy meysken fraey.
Hoort toe ghy mannen ende wijven,
Vaet den gheest na mijn verstant,
Desen druck en soumen niet connen beschrijven,
Diemen nu siet in Nederlant,
Daer en mach nerghens gheen goet passeren,
Tzy te Vlissinghen of ter Veren,
Dat heeft den thienden penninck ghedaen,
Datmer soo veel siet spelen gaen.

Gheestelijck ende Wereltlijck saen,
Als sy dit hebben vernomen,
Zijn daerom te Hove ghegaen,
En wedergestaen als vromen,
Al wat sy seyden, hy sweech al stil,
Hy seyde: ick sal hebben mijnen wil,
Den thienden penninck sal wesen mijn,
Soo daer een God inden Hemel sal zijn.

Och broeders wilt doch wel aenmercken,
T'ghebeurde op eenen Paeschdach
Dat men Vlissinghen sou beschincken,
Met een Paeschlam dat niemant en mach,
Twas een Paeschlam van grooter moorden,
T'waren al basten van Kempen coorden,
Om te gaen rechten d'overicheyt saen,
T'ghemeente en hadden niet quijt ghegaen.

Maer als de Borghers dat vernamen,
Hoe men ghemeent en d'overheyts ampt
Woude ombrenghen alt' samen,,
En helpen van kant,
T'ghemeente en beyde niet langhe,
Sy namen de Capiteyn ghevanghen,
Maer die Soldaten cleyn en groot
Schooten sy met cruyt en loot.

De Capiteyn met moede fier
Sprack tot die ghesellen fijn,
Laet ons doch niet treuren hier,
Maer liever vrolijcken zijn,
Hy clam averecht op de Leere,
Hy riep, isser gheen gracy Heere?
Hier is gracy op dit pas,,
Als voor onse Graven was.

Een Nieu Geuse Lieden boecxken/ Waer inne begrepen is den gantschen Handel der Nederlantscher geschiedennis/ [sic] dees voorleden thien Jaren tot noch toe toeghedragen/ eensdeels onderwijlen in Druck wtgegaen/ eensdeels nu nieu byghevoecht. Midtsgaders sommighe schoone Refereynen/ ten seluen Propooste dienende/ hier achterbyghestelt. Nu nieuwelick vermeerdert/ ende ghecorrigeert. Pro Lege, Rege, & Grege. [houtsnede 'Viue le Gues'] Viue Dieu, La Sant? du Roy, & la Prosperit? [sic] des Geus.
[1578?]
Parijs Biblioth?que Nationale: R?s. p. Yi 24
f68v

DBNL, naar Kuiper & Leendertz 1924.