|
|
een voersanck liedeken
1. Ick heb geurit wel seeue Jaer een weinich min maer dan ick waen Een schoen Jonck wyf een beelt was klaer Hadt Ick In mynen sin gedaen Wou syt dan In statie staen soe waer myn trueren al gedaen wou syt myn gunnen syt stoeck goet fier sy brout goet bier sy wast sy boent de tonne sy stapelt het het hout sy roert het mout sy veecht de keuken omme
2. Hoe gaeren sou Ick haer helpe koeken als de vrou te keuke gaet En dat viertge helpe stoecken Wilsit dan In danck voerstaen Die volle kan die soude wy lichten En die leege laeten staen Wou sit myn gunnen enz.
3. Hoe gaeren sou Ick by haer slaepe als dy vrou te bedde gaet In myn hertge met haer voermaeeke wou sit dan in danck voerstaen Ick sou soe gaeren by haer slaepen Ick sou en noch veel lieuer met haer waecken wou sit myn gunnen enz.
4. Prinse hoe gaeren sou Ick bouen brouwe wou sy onder brouster syn en Dat naebier helpen stoeken en daer toe de liefste syn
en een koel vat op myn knien en een koel vat op myn knien nochtans en heb Ick het noeit gesien nochtans sou Ick het wel loeuen wou sit myn gunnen enz. | |
|
Liedbundel van Antonis van Butevest
|
[1590 ca.] [na 1594]
|
Leiden, Gemeente-archief, Gildenarchief no. 1474 |
f5r |
|
Afschrift Meertensinstituut (verm. door C.C. Vlam), naar bron, diplomatisch. |
|