|
|
Op de wijse: Wilt u allegaer voer blije
1. Weest voerblit hier nae den tijt en laet ons trijonfeeren hier in dit krijt tot niders spijt Die ons altijt blaemeeren Want altijt wort Iok gehaet van dees valsche nijders quaet want altijt peins Ick nacht en dach om een die mijn troest geeuen mach
2. Verhuecht in duecht mijn sersen vruecht om een die Ick beminne o suiuere Jeuoht gij sijt die muecht laet mijn eens troest gewinne en u hart tot mijn nu keert soe wort mijn vruecht geheel voermeert altijt peis ick nacht en dach op godt die mijn troest ggeuen mach
3 Sij is soe Ient soe exsoelent sij hout mijn hert beuangen Sijt staet in mijn hertge gepreesen (geprent? bedoeld) nae haer staet mijn voerlangen want sij is soe graesijues en van liefde aemoerues altijt peins I?ck nacht en dach op godt die mijn troest geeuen mach
4. Ter eere al van de prins hier bouen soe laet ons vroelick weesen wij willen hem altijt Danken en loeuen want hij mach ons geeneesen want hij Is die heer alleen Die ons mach helpen en anders geen altijt peis Ick nacht en dach om een die mijn troest geeue mach. | |
|
Liedbundel van Antonis van Butevest
|
[1590 ca.] [na 1594]
|
Leiden, Gemeente-archief, Gildenarchief no. 1474 |
f21r |
|
Afschrift Meertensinstituut (verm. door C.C. Vlam), naar bron, diplomatisch. |
|