|
|
|
een voersanck liet alst begint
1. Ick wil een hulsie timmeren
van pieter seelye van pieter seelye
Daer op soe wil ick sette
Drie roese leelye drie roese leelye
2. Als Ick myn huis getimmert heb
soe helpter myn godt in soe
met een soe moeyen meyse
Als Ick een Jongelinck ben
3. Ick wil met deese Jongelinck
gaen trecken uit het lant / gaen
een packie wil Ick draegen
en vaeren nae engelant / en
4. Doen sy In engelant qusemen
en daer ginck eenen dans / en
Daer quam dat goelicke vrijertge
tq(u)am dansen aen myn hant
5. myn vaeder en myn moeder
Die stonde daer beyegaer bey die
sij vraechde soe meenich weruee
Wat Jongelinck mach dat sijn wat
6. Och moeder seyde Ick moeder
Dat Is de liefste myn dat
Hy kan die meisies weincken
Al Inder maeneschyn al
7. ken hy die meisies weincken
al Inder maeneschyn al
soe laet hy u niet bedriegen
myn goelycke dochterkyn / myn
8. Als hy myn dan bedroegen hadt
gy prinse wadt hadt Ick dan / gy
Soe most Ick de weeuer trouwe
en houde myn voor myn man / en | |
|
|
Liedbundel van Antonis van Butevest
|
|
[1590 ca.] [na 1594]
|
| Leiden, Gemeente-archief, Gildenarchief no. 1474 |
| f24r |
|
| Afschrift Meertensinstituut (verm. door C.C. Vlam), naar bron, diplomatisch. |
|
