|
|
Op de wyse alst begint
1. Dat reet een heer/ In syn schilt knecht Soe veer aen geen lans douwe En hanselinck oeuer de reyde reet hy sanck van syn schoen vrouwe Was hem getrouwe
2. Och hansie seide hy Hy myn schilt knecht en draecht geen rou van vrouwe en draecht gy dats mynen groene schilt niet met swaerde soudt ick u duer houwe al om de vrouwe
3. En dat ick uwen groene schilt draech Daer of syt gy myn heere maer laet wij malkander met swaerde gaen slaen niemant en sal ons keere
4. Sy lieten bey haer driege staen sij ginge slaen met swaerde en hansie die sloech sijn meester doet Dat hy needer viel ter aerde al van syn paerde
5. Nu lecht gy daer/ en Ick stae hier met swaerdekens duer houde nu wil ick gaen rijde te straets burch In en slaepe bij u schoen vrouwe sij Is myn getrouwe
6. Doen hy te Straets burch Inne quam Die schoen lach op der dinne Och wist gy Jonck vroutge Dat ick wel weet Hoe seere sout gy weine soe als Ick meine
7. Secht myn wel hansie myn schilt knecht [2 regels doorgestreept] Waerom soe sout Ick weine Nu leeft er myn heer of Is hy doet Den rou Is al soe kleine/ alsoe Ick meine
8. Myn heer leeft noch hy en is niet doet Hy leit ter Sluis gevange Hy heit geschoten een wilt knin Daer om soe moet hy hangen Sonder verlangen
9. Hei hy geschoeten een wilt knin moet hy daerom noch hangen Soe komt slaepen al In de arm van myn Die tyt en sal ons niet verlangen Alsoe ick meine
10. Prinse
Ick en mach van al dit lange Jaer In geen vrous arm slaepen Daer gaeter soe meenich fres- hupse vrou maecht Te straets burch byder straete Wat kant myn baten. | |
|
Liedbundel van Antonis van Butevest
|
[1590 ca.] [na 1594]
|
Leiden, Gemeente-archief, Gildenarchief no. 1474 |
f67v |
|
Afschrift Meertensinstituut (verm. door C.C. Vlam), naar bron, diplomatisch. |
|