|
|
op de wijse : Den tijt Is hier datmen mach vroelick weesen.
1. Geluck voerwaer wens Ick alle geesten In dees feeste die hier sin voergaert de minste niet de meeste tont u als klouke geesten In dees feeste daer gij nu In bent Ende toent dat liefdt Is tfondaement met u lieften amoerues en hout u altoes koeraetiues al hier ontrent daer liefde Ist tfondaement
2. Vrou bruit eerbaer Ick wens u teenegaeder geluck voerwaer en u bruidegom sertein Dat gij hier naer Den heemelschen vaeder Wilt hem loeven eervaer van sin weldaden reyn van sin giften groet of klein Dus wilt met liefden ackoert Dit onthouden rechtevoert die hier voergaert sin want vruecht en is geen pin.
3. In dees feest wilt vroelickheit hanteeren Al nae dees geest en maeken soet Iolit zijt onbedeest en wilt liefelick questen en sit vroelick van geesten die hier voergaert sijt en gij Jonckmans past dat gij wat vrijt en praet van geen oneer brenckt u lief weer nae haer begeer ter plaetse ontrent Daer liefde Is tfondaement
4. Prinse eerbaer daer In liefie kan bouwen Wilt u daer houwen maer draecht een huesen mont van de fluer der vrouwen liefelick Int aenschouwen ende praet van trouwen en dan maeckt met haer voerbont soe sult gij voerwaer van haer weeten de gront dan sult gij van haer voerstaen of gij weer nae huis sult gaen Krijcht gij dan het Jae woert draecht liefde soet behoert. | |
|
Liedbundel van Antonis van Butevest
|
[1590 ca.] [na 1594]
|
Leiden, Gemeente-archief, Gildenarchief no. 1474 |
f73v |
|
Afschrift Meertensinstituut (verm. door C.C. Vlam), naar bron, diplomatisch. |
|