|
|
|
op de wijse: laet ons allegaer dancbaer sin.
1. Hoe mach doch Iemant hem voerbliJden
die sin lief moet derven
In mijn sertein Is klein Joelit
Ick suchte meenich werve
om een alleen die Ick bemin
iae altijt staet (sy) In mijn sin
Sij Is diet hert begeerde
geen liever lief op aerde
2. Ick secht voerwaer en dunck mijn soe
Dat pijnelick Is om smaeke
lief te derven ick doet soe noe
Eijlaes wat wil Ick maeken
het Is mij eilaecy pijne swaer
Dat ick nu ben soe lange van haer
och oft haer niet en deerde
geen liever lief op aerde
3. Noeit hadde paerijs alsoe lief
heelenae soe Ick meine
noeit leander soe voer hief
heeroe dat eedele greine
het Is haer voerwaer wel bekent
nochtans soe laet sij min Int torment
haer houde Ick In waerde
Geen liever lief op aerde.
4. Prinse prinsesse al gelick
mocht Ick haer lief voer krijgen
geen mens mocht mijn weesen te rijck
Certein Ick derft niet swijgen
Ick acht veel meer dat maechdelinck vat
Dan samsoms eer of kreesyes schat
sij mach mijn vruecht voer meeren
geen liever lief op aerde. | |
|
|
Liedbundel van Antonis van Butevest
|
|
[1590 ca.] [na 1594]
|
| Leiden, Gemeente-archief, Gildenarchief no. 1474 |
| f87r |
|
| Afschrift Meertensinstituut (verm. door C.C. Vlam), naar bron, diplomatisch. |
|
