|
|
op de wijse: lief uit voerkoeren lief tryonfant
1. Men wil wel sechgen van soemer tijt als tuinen lechgen wtspruiten wijt soe machmen vruechdich gaen hant aen hant met sin lief Iuechdich al oevert lant Ick geloef het Is waer lustich Ist daer maer swinters claer wort meer vruechden geplant.
2. nae korten daegen siet men nu veel haeken en Jaegen als vrijers eel om te gaen spreeken haer lief bekent Of thart sou breeken door liefde blent want tfrijen seer fier heeft dan goen tier elck souckt dan schier te houwen exsoelent.
3. Als dan seer strange ons bliven bij de vriese lange soe siet men blij met groete hoepen de vristers soet en vrijers loopen al metter spoet met schaetsen opt ijs en rijen om prijs waerdeerdens wis weeten wiet beste doet.
4. Coeninck te speelen menich nu tracht sonder krackeelen wordt vruecht voerpacht de kopper tijden koemen oeck aen om sonder mijden te gast te gaen want het Is oepen hof al maeckmet wat grof daer comt niet of twort wt genuecht.
5. Men siet taefels oeck welbeset met schoene waefels pankoecken vet oeck lecker wintge drinck mon dan wel men speelt van brijntge of ander spel deen komt voer mom, dander houdt voer stom men sprinckt eens om, diskoert moet wijken heel.
6. Prins wt Jonste Is dit geschiet al Is dat konste niet wel en sticht men mach men eenen wel maecken vruecht wel vruecht voermeeren sonder getruer. fynes. | |
|
Liedbundel van Antonis van Butevest
|
[1590 ca.] [na 1594]
|
Leiden, Gemeente-archief, Gildenarchief no. 1474 |
f95r |
|
Afschrift Meertensinstituut (verm. door C.C. Vlam), naar bron, diplomatisch. |
|