|
|
Item D[i]t es al quaet
Ia christum heeft hij nv vast gheleijt In ijseren slooten soo men seijt Als men hem ghelt gheeft met hoopen Moet chistus altijt sijn bereijt Die sielen te laeten loopen
Hij seijt god heeft gemaect die oorbiecht Daer hij [-d..] doch valschelijck aen liecht Hij heeftse self geuonden Want hij die menschen daer doer bedriecht En om dat ghelt vergheeft haer sonden
Sijn boosheijt heeft hij daer doer gewrocht En menighe vrouwe ter schanden ghebrocht Want sij clagen haer ghebreken Och dochter Ick heb mij alsoe bedacht Ick moet v alleen wat spreken
Dese sonden acht die paus soe slecht Daer om verbiet hij sijn geschoren decht Die es die mensche [der] sonden Daer sinte pauwels af heeft gesecht Dat wordt nv wel beuonden
Dit es [den] rechten antekerst Die sweet en bloet den armen vuijtperst Met bannen ende met Iaghen Nv Is hij ghevallen dat hij berst God [dij] wil hem niet langer verdragen
Ick bid v vader ghebenedijt Dat ghij hem doch genadich zijt En wilt hem gracie gheuen Op dat hij sijn sonden eens belijt En eeuwich met v mach leuen | |
|
Ketterse liedjes van Jan Boots
|
1560
|
Brussel, Algemeen Rijksarchief, Audience 1191/10, 6 document IX |
f1r |
|
Willem Kuiper, naar bron, diplomatisch. |
|