|
|
op de wijse: In oesten-rijck daer staet een huis.
1. Een roesie soet van roecke goet al metter spoet heb Ick gevonnen Dat mijn gemoet Door venes gloet vleys ende bloet Doet sij duerwonden
Deese 3 regelen voerhaelt
2. Doen Ickse aensach Den eersten dach hoort mijn geklach mijn hert dat lach aen haer gebonden.
3. Dies Ick socht raet Diet wel voerstaet om eens een praet met haer te maeken Duer uyt en haet vrouch ende laet altijt op straet wel te geraeken.
repeteert 4. Dies mij te met Deede voerlaet buiten goedts wet dat ickse net niet kon geraeken.
5. Soe meenige reys Ick om u peys heb veel geschreys moeten gedoogen twelck al mijn vleys door swaer gepeys als een vornuies dede voordroegen.
repeteert
6. Mer Ick doch schier Tis de manier Dat maechde fier Dat weygeren hier neemen voor oegen.
7. Eens op een stont Ick secht goedt ront Daer Ickse vont die uitgeleesen mijn hert duerwont werde gesont haer roeder mont kan mij geneesen.
repeteert. 8. Ick heb .... wat
9. Reyn maechielick saet secht toch eens Jae laet u genae aen mij bekliven Eens saevons spae houlanck daer nae heeft sij mij drae haer trou gegeven.
voerhaelt 10. Door liefden dwanck Ick weetet u danck mijn leven lanck want mijn hert kranck heeft sij geneesen
11. hadt Ick den schadt die kresyees hadt prinses al wat Ick mocht bedenken Verstaedt wel dat Wat droevich vadt Ick mocht bewenken.
12. hadt Ick bloet appel groot ouden root goet Ickse haer schenjen.
Fynes | |
|
Liedbundel van Antonis van Butevest
|
[1590 ca.] [na 1594]
|
Leiden, Gemeente-archief, Gildenarchief no. 1474 |
f123v |
|
Afschrift Meertensinstituut (verm. door C.C. Vlam), naar bron, diplomatisch. |
|