Nederlandse Liederenbank


Naer de wyse Voorwaer Ick mach wel claeghen Thert Sught en schreydt inwendich Myn oochskens moet ick dwaen Beanghst beswaert elendich Soo moet ick droeffheyts paen / gaen Wie sal der trooster myn / syn Och wye sal my beraen Want niemant laes dees quale En can genesen niet Dan een wiens schoonheyts straele Thert begherich doorschiet siet Maer laes ick anghstich ducht sucht Als die geen troost geschiet Och mocht Ick haer behaeghen In Liefd' door Arbeydts vlydt Lydsaemich Soud' ick draeghen 'Tverdriet twelck thert altyt lyt Want hoop den minnaer [is wis] Een troost in Lydens tstryt Nochtans Eere bewysen Sal ick haeren parsoon Wiens schoonheyt is te prysen Wiens deuchden spant de croon schoon Want sy als eerbaer maecht draecht Den Lauwerrier ten Loon. Schoon wel geschickt van Leden Soet van Aensicht is Sy Minsaem wys in haer Reden Maeghdich beleeft daer vry by Haer vriendelyck gesight stight Vreught druck anghst hoop in my Princes wt dit benouwen Swaer ghy my helpen meught Door een minlyck aenschouwen Daer lieff trouw haer ter deught veught Dus lieff u Ionst gemeen reen Maeckt my in reyn geneught Fynus Reyn Liefde Croont

Handschrift Ariaenke de Gyselaer
1600-1602
Rotterdam, Gemeentebibliotheek, 96 E 13
f14r