Nederlandse Liederenbank


Vrauwe ere het groissen szaden ir clage is manichvalt. si clait wa junge herren mit bosin worden balt. si clait wa eyn reyne berve wip wirt eyme argin bosin manne erszaffen. Si clait uch wa dye gode lant niet wail beherit sint. Si clait uch wa eyn bierve dem bosin git sin kint. Si clait wa tuginder loser wip wirt zu eyme rigin kargin paffin. Si clait uch me das dut ir noit. das man untruwe vor dye truwe minnit. Si clait uch milter herrin doyt. Si clait uch wa den bidervin manne des goit das he cerinnit. Si clait das man de lugene lever het dan dye wareit. si clait dat wiseit ervit niet unde edille dugint dat het si gode gecleyt

[handschrift zonder titel]
2e helft 14e eeuw
Leipzig, UB, Cod. Rep. II fol. 70a (in facsimile)
f95r