|
|
|
a [xx/34r] Hi toech uitSijn cleeyder
Dien Hij te draghen plach,
Hij worpse al voer Sijns vaders voeten,
Die werelt was Hem een caf.
En Hij is waerlijc etcetera.
b Hi sach op Sijn voeten,
Ghelijc als doet die paeu,
Ende Hij liet sincken sinen hoghen moet
Ende Hij toech aen cleeder graeu.
Ende Hij is etcetera.
c Hi was soe goedertieren
In Sinen ommeganc,
Sijn hert dat bloeyt van doechden
Ghelijcken een wijngaertranck.
En Hij is waerlijc etcetera.
d Doe onsen heilighen Vader Franciscus
In allen doechden voert ghinc,
Dat Hij van grooter oetmoedicheit
Die heylighe vijf wonden ontfinc.
Ende Hij is etcetera.
e Hi is soe hoech verheven
Al in dat soete lant,
Boven allen die choren van Cheraphin
Tot Christus' rechterhant.
Ende etcetera.
f Nu laet ons Hem aenbeden
Mit groter ynnicheit,
Dat Hij ons wil verwerven
Die doecht der oetmoedicheit.
Ende Hij is waerlijc etcetera.
(1) Nu laet ons huden vrolijc sijn etcetera. | |
|
|
Handschrift Meerman
|
|
[1525 ca.]
|
| Brussel KB: II 2631 |
| f34r |
|
| H. Joldersma, naar bron, kritisch. |
|
