Home     Grasduinen     Over     Zoektips     FAQs     Disclaimer     Meertens Instituut         english

Nederlandse Liederenbank


[3] Mi lust te loven hoechelic

Mi lust te loven hoechelic
die reinicheit soe pure,
der engelen staet maect si gelijc
den ertschen creature;
laet ons se minnen al gelijc,
want edel is hoer natuere.
 
Als groeyt en bloeit van telgen schoen
een boem mit goede vruchten,
soe schijnstu voor ons Heren troen;
o reinicheit, wilt niet suchten,
dyn bou brenct hondervoldich loen,
dyn lamp sal voer dy luchten.

Een lelie die voer Gode bloeit
dy die systu, Goedes vriendinne,
van veru, van roke, van craght vernoit;
sesbladich gheel van binnen,
van doerne dicwil seer vermoeyt;
dit salstu geestelic sinnen.

Van joncferschap exempel scoen
wij hebben in Marien,
om welc sie wan den Godes soen,
laet ons sie benedien,
oer was becant der joncferen loen,
dat dede oer kuysheit vryen.

Camerata Trajectina e.a. (artiest), Een muziekgeschiedenis der Nederlanden: speciale opnames voor de CD-rom
2001
1: 3