|
|
Uit het Antwerps liedboek (1544)
[20] Het was een meysken
Een meisje spreekt met een minnaar, een soldaat, af dat hij 's nachts bij haar mag komen. Een molenaarsknecht luistert hun gesprek af en besluit zijn geluk te beproeven. Pas de volgende ochtend bemerkt het meisje haar vergissing.
Een nyeu liedeken
Het was een meysken vroech opghestaen des morghens door den dou ghegaen Om haer schoon lief te spreken
Met dien quam daer haer soete lief Ic hebbe u van also goeder herten lief Ia mocht ic bi u slapen
Dat meysken sprac met moede vry. Men vinter knapen meer dan ghi Gheef mi u trouwe te pande
Hi trock een vingherlinck van zijn hant. Hout daer schoon lief gheeft mi u hant Mijn trouwe gheve ic u te pande
Si stack den vingherlinc aen haer hant Si seyde lief reyst uuten lande Mer coemt noch tavont slapen
Ende dat verhoorde eens molenaer knecht Hi nam die woordekens al op zijn recht. die woorden wil ic verbeyden
Hi tooch aen een harnas blanck Hi clopte so lijselijck aen den rinck Hi worde daer in gelaten Tsnachts ontrent der middernacht doen dat minnespel op zijn beste was Haer lief quam cloppen al voor die dore
Hi clopte so lijselic aen den rinck Staet op schoon lief ende laet mi in Mijn trouwe hebt ghi te pande
Ic en staet niet op ic en laet niet in Ic ligghe hier bi die alder liefste mijn Gaet riden uwer straten
Tsmorgens vroech alst was schoon dach En si den molenaer wel besach Si en was gheen maecht ghebleven
Dat meysken maecte so grooten misbaer. Si wranck haer handen si tooch haer hayr Heere god wien hebbe ic in ghelaten
En weent niet meer mijn soete lief daer en weten gheen knapen meer af dan ghi endi ick alleyne
Tsmorghens als die sonne op ghinc Haer lief quam om sinen rinck die liefde was hem vergangen
Gheeft mi minen rinc met haesten snel. Ic sie aen u bruyn oochskens wel Ghi en zijt gheen maecht ghebleven
Ghi jonghe meyskens doch voor u siet. En gheloof die jonghe molenaers niet Si souden u haest bedrieghen
| |
|
Camerata Trajectina (artiest),
Pacxken van minnen: Middeleeuwse muziek uit de Nederlanden. GLO 6016
|
1992
|
|
1: 20 |
|
|
|