|
|
|
Een nieuw Liedeken op de wijse. ick segghe adieu.
De Heere goet
Laet ons louen en prijsen
Sijn crachten soet
Ouer ons eerlic rijsen
Hy geeft tot onsen onderhout
Sijn elementen menichfout
Hem dan betroudt
Die eerde gheeft ons siluer en gout.
Dwater en tvier
Doen de eerde wel groeyen
Des lochts bestier
Comste oock net bespoeyen
Met reghen en den dauwe reyn
En geeft ons graen/ en wijn ghemeyn
Van als certeyn
Looft God Heere groot en cleyn.
De Coeykens snel
Ons melck en boter spreeden
De Schaepkens wel
Ons naecte lijf ient cleeden
Het water gheeft ons Visch planteyt
Dwelck God altijt voor ons bereyt
Met goet bescheyt
O God groot is dijne maiesteyt.
Die Voghels ient
Haer inde locht verblijden
Met sanck bekent
Louen sy tallen tijden
Den Heere goet/ tot ons bevrijt
Dus laet ons oock God louen wijt
Met alder vlijt
Int hoochste is hy ghebenedijt.
Prince vermaert
O God niet om verhooghen
Ghy ons bewaert
Als den appel der ooghen
Met alle d'Elementen dijn Onderhout ghy ons tleuen fijn
In desen schijn
Lof moet u inder eewicheyt sijn.
| |
|
|
Deuchdelijcke Solutien, gesolveert by vele ingenieuse Componisten van diversche Cameren van Rethorijcken. Duysent guldens, zilveren coppen en schalen, Met my te coopen meucht ghy winnen: U ghelt coemt inde Lothery' sonder falen, Goede stichtinghe vindy hier binnen. Dit is u prose ende Nombre net, Wilt dit bewaren in plaetse van u billet.
|
|
[1575]
|
| Amsterdam UB: 1998 C 11 |
| fFf2r |
|
| Transcriptie naar bron, diplomatisch. Door Alexandra Kecskés. |
|
