|
|
|
Een nieu liedeken van d[ij] geuzen [1va]
¶ Wij wilt hooren een nieu liet?
Vive le geux!
En dat [te] sintruyden es gheschiet.
Vive le geux! Dobbe dobbe dop. fa. lyrum. fa.
¶ Het viel op een maendach, hoort!
Vive le geux!
Die geuzen stonden al voer die port.
Vive le geux! Dobbe et cetera.
¶ Die port was toe, sy en mochten niet in.
Vive le geux!
Dies creghen sy eenen quaden sin.
Vive le geux! Dobbe et cetera.
¶ Sij clopten met eenen grammen moet.
Vive le geux!
Hoe compt dat men die port niet op en doet?
Vive le geux! Dobbe. et cetera.
¶ Doen quam myn heer al van duras.
Vive le geux!
En vraechden wi hun heere was?
Vive le geux! Dobbe. et cetera. ut supra.
¶ Sij seyden wi sijn al van nassouwen.
Vive le geux!
Wi willen hier ons concilium houwen.
Vive le geux Dobbe. et cetera.
¶ Die van sintruyden hebben tot dien stonden
Vive le geux!
Eenen bode totten biscop ghesonden.
Vive le geux! Dobbe. et cetera.
¶ Die bischop sprack met worden dat:
Vive le geux!
'Sintruyden es een rijcxsche stat'.
Vive le geux! Dobbe. et cetera.
¶ Die geuzen hadden quaden moet.
Vive le geux!
Sij reden na leuwe al metter spoet.
Vive le geux! Dobbe. et cetera.
¶ Sanderdaechs quam floyon tonser baten.
Vive le geux!
En dede die genken binnen laten.
Vive le geux! Dobbe.
¶ Sij sworen bij haer eedelheit coen.
Vive le geux!
Dat ze nimant en souden mesdoen
Vive le geux! Dobbe. et cetera.
¶ Doen riepen die reuaelge metter macht.
Vive le geux!
Dits den dach daer wi hebben na ghewacht.
Vive le geux! Dobbe. et cetera.
¶ Floyon riep: 'wi weten onderstant.
Vive le [geux]!
Die connick compt al in ons lant'.
Vive le geux! Dobbe. et cetera.
¶ En compt den connick emmers niet.
Vive le geux!
Soo blijven die cloosterkens int verdriet.
Vive le geux! Dobbe. et cetera.
¶ Sij trocken int clooster binnen den crocht.
Vive le geux!
Daer hebben sij loozen raet ghesocht.
Vive le geux! Dobbe. et cetera.
¶ Horen raet sach men corts openbaren.
Vive le geux!
Men tracker beelden en altaren.
Vive le geux! Dobbe. et cetera. [1vb]
¶ Haer beloofte hebben sij macht ghegeven.
Vive le geux!
Sij en hebben sintruyden niet bedreven.
Vive le geux! Dobbe. et cetera.
¶ Laet ons bidden den Heer der heeren.
Vive le geux!
Dat hun die genken mochten bekeeren.
Vive le geux! Dobbe.
¶ En dij dit liedeken heeft ghedicht.
Vive le geux!
Het was een vroucken van herten licht.
Vive le geux! Dobbe. dobbe. dop. fa. lirum. fa.
Alsmen riep: 'Vive le geux!' duer allen landen.
Doen wast dat wi saghen kerken en cluysen verbranden. | |
|
|
[handschrift zonder titel]
|
|
1567
|
| Luik, Bibliothèque générale de l'Université, 1986 |
| f1v |
|
| Willem Kuiper, naar bron, kritisch. |
|
