|
|
|
Dit lyedekij heeft twee wijsen. Die een is: 'Ic wil my selven troesten ende maeken eenen moet'; ende die ander is: 'Meysken wilt ghy met my gaen, aen ghenre gaerde al daer'.
1 Wy willen ons gaen verheffen
boven allen aertschen dinghen,
Ende climmen met onsen ghedachten
onder die seraphinnen.
Als wy hier boven comen,
Wat is ons daer bereyt
Met also grooter waerdicheit?
die heilyghe Drievoudicheit.
2 Die Vader gheeft den Soene,
Die Soen den Heilighen Gheest.
Och, wat mach ons onbreken
Van alsoe grooten feest!
Soe coemt daer sielen enghel
Ende brentse voer den troen,
[iii/21r] Heer Jhesus, Croen daer maechden,
Gheeft dese siel haer loen!
3 Die Moeder sprect totten Soene:
'Ontfant die waerde bruyt,
Al uut den dael daer tranen
Is sy ghecomen uut.
Sy heeft soe veel gheleden,
Soe groote banycheit,
Dat in haer was vaerborghen
Dat gheeft sy nu te kennen'.
4 Dan sprect die Gods Soen selver:
'Coemt, mijn vaerwende bruyt,
Uut uwen reynen suchten
Is mijn een soet gheluyt.
Coemt, ghi selt ontfanghen
Die croen is di bereyt:
Du en seltse niet meer lyden
Den strijt noch aerbeyt'..
5 'Du en seltste niet meer lyden,
Tis altemael ghedaen;
Die wijnter is gheleeden
Die rijp is wechghegaen.Die wijnter is gheleeden,
Die rijp is wechghegaen,
Die someer is ghecomen,
Die bloemmen sijn ondaen!'
6 Dan buycht die siel haer needer
Met grooter waerdicheit;
Te loven ende te dancken
Is sy altijt bereyt.
Ic byn soe cleyn te loven
Den Heer van sijnre minnen,
Maer ic beveel my hier boven
Ondaer die seraphinnen.
7 Dan volleghen sy alte samen
Dat soete Lammeekijn:
Dat is die Gods Soen selver,
Gheloeft soe [21v] moet Hi sijn!
Sy sijnghen altesamen
Een ovaersoeten sanck.
Si sijn ombevlect ghebleeven,
Des heeft die Gods Soen danck.
(1) Wy wille ons | |
|
|
Handschrift Meerman
|
|
[1525 ca.]
|
| Brussel KB: II 2631 |
| f20v |
|
| H. Joldersma, naar bron, kritisch. |
|
