|
|
Op de wyses oe soet robbrecht
1 Schoen lief eerwaerdich Hier wort u lief gebrocht Wel dat komt aerdich Dat gy eens om my docht Soudick om een meisie siet Dencken wel een reysie niet Jae man twas quaet Dat gyse soe voergaet
2 Lief tis myn sechgen gy staet In mynen sin gy koentet uit lechgen sys wel een lufie Dat Ick u sech geloeft dat vry Het hart hebt gy berooft van my syt gy Duer wont met kuibydoe ongesont
3 Vrou veenes straele Die hebben thart duer blaemt u soeten taelen ons liefde soet betaemt Dus danck ik u vriendinne seer Ick sal syn u dienaer weer tis niet van noet gy maeckt myn heel schaemt roet
4 Wat muecht gy praeten Waerom syt gy beschaemt Lief doer het haeten soo wort ons lieft gepraemt En acht geen nidertragenheit noch op geen beminders raet Ick hoept te doen In liefde bloeyen groen
5 Lief in dier vouge sooe geef Ick u een kus streckt tot genouge van ons beyden aldus Daer om sy ick van binnen vro Dat Ick cus u mondelinck roet En sing Ick oeck bly by u in liefde vry
6 Prinses by sonders u Iuecht toch niet voergeet Twaer wel wat wonders en oeck myn seluen leet tis waer myn uit voerkoeren Dus laet ons vruecht oorboeren spyt wiet tis leit Waer doer Ick ben bereyt | |
|
Liedbundel van Antonis van Butevest
|
[1590 ca.] [na 1594]
|
Leiden, Gemeente-archief, Gildenarchief no. 1474 |
f13v |
|
Afschrift Meertensinstituut (verm. door C.C. Vlam), naar bron, diplomatisch. |
|