|
|
[1] Wilhelmus van Nassouwe
Corts na dat Graef Lodewijc van Groeningen opghebroken, ende van Gemminghen verdreven was, is de Prince van Oraengien na de Maze ghetoghen.
Een nieuw Christelick Liedt gemaect ter eeren des Doorluchtichsten Heeren, Heere Wilhelm Prince van Oraengien, Grave van Nassou, Patris Patria, mijnen G. Forsten ende Heeren. Waer van deerste Capitael letteren van elck veers, syner F.G. name metbrengen.
Na de wijse van Chartres. Wilhelmus van Nassouwe Ben ick van Duytschen bloet, Den Vaderlant ghetrouwe Blijf ick tot inden doot: Een Prince van Oraengien Ben ick vrij onverveert, Den Coninck van Hispaengien Heb ick altijt gheeert. In Godes vrees te leven Heb ick altijt betracht, Daerom ben ick verdreven Om Landt om Luyd ghebracht: Maer Godt sal my regeren Als een goet Instrument, Dat ick sal wederkeeren In mijnen Regiment.
Lijdt u mijn Ondersaten Die oprecht zijn van aert, Godt sal u niet verlaten, Al zijt ghy nu beswaert: Die vroom begheert te leven Bidt Godt nacht ende dach, Dat hy my cracht wil gheven Dat ick u helpen mach. Lijf en goet al te samen Heb ick u niet verschoont, Mijn Broeders hooch van Namen Hebbent u oock vertoont: Graef Adolff is ghebleven, In Vrieslandt in den Slach, Zijn Siel int eewich Leven Verwacht den Jongsten dach. Edel en Hooch gheboren Van Keyserlicken Stam: Een Vorst des Rijcks vercoren Als een vroom Christen Man, Voor Godes Woort ghepreesen, Heb ick vrij onversaecht, Als een Helt sonder vreesen Mijn Edel bloet ghewaecht. Mijn Schilt ende betrouwen Sijt ghy, o Godt mijn Heer, Op u soo wil ick bouwen Verlaet my nemmermeer: Dat ick doch vroom mach blijven U dienaer taller stondt Die Tyranny verdrijven, Die my mijn hert doorwondt. | |
|
Camerata Trajectina (artiest),
Willem van Oranje. Om vrijheid van geweten
|
1984
|
|
1: 1 |
|
|
|