|
|
|
Dit lyedeken is van vrou Mari die keyser Maxsimyanus wijf, die daersterf tHanwerpen.
1 Och Doot, Doot, Doot, die niement en spaert,
Wat hebdij nu bedreven,
Aen een lantsvrou van also groter macht
Die tHanwerpen liet haer [39v]leven?
Ou wy, ou wy soelaes!
Ende sij had also grote begheren
Al om te spreken al hoeren solaes,
Haer prins, haer man,Haeren edel lantsheeren.
Ou wy etcetera.
2 Des sander dach, vrij edel bloet,
Nu leyt hij in Franssoensselande.
Nu bid ic Maria, die waerde Moeder Gods,
Dat sy hem bescermt voer viants handen.
Ou wy etcetera.
3 'Och hadieu vader, hadieu moeder,
Hadieu suster, hadieu broeder.'
4 'Occh hadieu vader, hadieu moeder,
Ende ic moet varen in een ander lant.
Hadieu suster, hadieu broeder,
Die doot die is my also swaeren pant.'
Hadieu, hadieu solaes!
Ende sy had also grote begheren,
Al om te spreken al haeren solaes,
Haer prins, haer man,
Haeren edel lantshere. etcetera.
5 Nu isser een lantsvrouwe doot,
Bergonge, die jonghe prinssessee.
God help haer siel in Aberhams scoet,
Ende bescermse al voer der hellen
Ou wy, ou wy solaes!
Ende sy had also grote begheren
Al om te spreken al hoeren solaes,
Haer prins, haer man,
Haeren edel lantshe etcetera. | |
|
|
Handschrift Meerman
|
|
[1525 ca.]
|
| Brussel KB: II 2631 |
| f39r |
|
| H. Joldersma, naar bron, kritisch. |
|
