|
|
|
Een Liedeken op de voyse
Rijst wt den slaep nu niet en waect.
Hoe salich sy sijn/ hier in dit dal
Groot ende smal// die den Heer vreesen al
Comt roept hy/ mijn wtuercoren ick sal
U siele wel bewaren
Want ghy sijt mijn lief ghetal
Met bly gheschal// maect gheen misual
Al eest dat u tserpent eens stal
Ick en sal u niet verlaten
Maer comen u te baten.
Den armer gheest/ soect hier noch daer
Daertsche goet eenpaer// maer deeuwich hier naer
Te beeruen/ dwelck haer
Den Heere oock sal gheuen
Salich sy sijn/ int openbaer
Sy sullen voorwaer// God sien seer claer
Met sijn heerlicke schaer
Hier van soo staet gheschreuen
Byden vader int leuen.
Salich sijnse die arme kijn
Van gheeste fijn// in elck termijn
Tsijn die vrienden seyt Christus mijn
Ick sal u siel ghenesen
Themelrijck dat is voor dijn
In desen schijn// dus treckt een lijn
Bewaert mijn woort voor medecijn
Soo sult ghy sijn ghepresen
Salich soo sult ghy wesen.
Den rijcken/ die soecket goet
Met sinnen onvroet// dat vergaen moet
Dwelck hy vergaert al met onspoet
Den roest die salt noch eten
Ghierich is hy/ als eb en vloet
Dwelck den vyant doet/ bitter als soet
Daer hy om verteert/ sijn vleesch zijn bloet
Door ghiericheyt onghemeten
Daer hy is me ueseten.
Prince.
Prince hier om is der armer geest
In swerelts foreest / vrolijcker meest
Dan den rijcken/ smaect wel den keest
So ghy hier muecht aenschouwen
Salich sijn sy/ vry sonder tempeest
Haer herte dat eest den Heere vreest
Al worden sy ghepluct/ ende gheteest
Sy willen den Heer betrouwen
Op sijn woort willen sy bouwen.
| |
|
|
Deuchdelijcke Solutien, gesolveert by vele ingenieuse Componisten van diversche Cameren van Rethorijcken. Duysent guldens, zilveren coppen en schalen, Met my te coopen meucht ghy winnen: U ghelt coemt inde Lothery' sonder falen, Goede stichtinghe vindy hier binnen. Dit is u prose ende Nombre net, Wilt dit bewaren in plaetse van u billet.
|
|
[1575]
|
| Amsterdam UB: 1998 C 11 |
| fEe3r |
|
| Transcriptie naar bron, diplomatisch. Door Alexandra Kecskés. |
|
